Откако пред половина час беше објавена статијата во која порталот АБЕРЏИЈА информираше за неколкумина хумани граѓани (мал дел од илјадниците кои деновиве донираа за Давид Стојановски, детето болно од рак), за кусо време многу читатели реагираа зошто нема донација од компанијата „Силекс“ и стопанственикот Љубисав Иванов - Ѕинго. Еве, да информирам дека денес газда Ѕинго и компанијата „Силекс“ го сторија токму она што се очекува од нив, на банкарската сметка на Давид уплатија 5.000 евра и покажаа дека се општествено одговорна компанија.
За истакнување е дека и градоначалникот Мите Андоновски и локалната самоуправа на Кратово донираа 500 евра за лекување на Давид во Австрија.