Најновата анализа на телевизискиот пазар на просторите на поранешна Југославија покажа дека Пинк ТВ веќе не е на врвот според остварени приходи, но затоа во ТОП 10 влезе нов играч - СИТЕЛ телевизија, како единствена тв од нашата земја.
Словенечката Про Плус која ги емитува каналите Поп ТВ и Канал А е на прво место со приходи од 61,9 милиони евра. Со анализата на комерцијалните телевизии четири хрватски ТВ куќи лани оствариле приход од 102,7 милиони евра. Меѓу големите телевизиски риби е една и од Македонија – Сител телевизија со остварен приход во 2017 година од 7,34 милиони евра.

На листата има дури осум куќи од Србија, четири од Хрватска, четири од Босна и Херцеговина, три од Словенија, една од Македонија, а од Црна Гора нема ниту една ТВ.