gogo

A+ R A-


Сода бикарбона не е лек против вируси

https://vistinomer.mk/wp-content/uploads/2021/08/soda.png
Фото: pixabay.com

Сода бикарбоната и лимонот не се никаков „спасоносен лек“ за заштита од вируси воопшто, а најмалку за заштита од коронавирусот, како што се тврди во објавата, која може да влијае на задоцнет третман и ненавремена имунизација кај населението како единствена ефикасна заштита од ковид-19. Оваа мешавина нема ефикасни ефекти, а може да биде многу опасна, ако содата се зема во големи количини, па дури и да предизвика труење. Научните истражувања потврдуваат повеќе опасни ризици по здравјето на луѓето, особено за оние кои имаат здравствени проблеми, како и за нусефектите од конзумирање со лекови. Главоболка, дијареа, ризик од срцев удар, руптура на стомакот, бубрежна инсуфициенција се само дел од нив. Медицинските институции упатуваат на балансирана исхрана за зајакнување на имунолошкиот систем и навремена вакцинација, но никако експериментирање со алтернативни решенија и непроверени напитоци

Објава на Фејсбук  нуди „спасоносен лек “ за вируси – напиток од сода бикарбона, лимон и вода, со која се наведуваат луѓето да посегнат по алтернативни решенија за заштита од корона вирусот. Објавата пренесува неточни тврдења, без научна поткрепа, кои можат да има опасни последици врз здравјето, како и да ги одврати луѓето навреме да побараат медицинска помош и да се вакцинираат, што засега е единствена заштита од ковид-19.

СПАС ОД ВИРУСИ: Пијте сода бикарбона и едно овошје 7 дена!, стои во објавата, која посочува дека со ова се добива моќна комбинација што го штити целото тело.

Ваквите тврдења се паушални, неточни и невистинити, а беа многу присутни на социјалните мрежи уште лани кога сè уште не беше пронајдена вакцината. Не постојат „научни истражувања кои покажуваат дека неколку капки сок од лимон, измешани со сода бикарбона имаат многу ефикасен ефект врз телото“, како што се тврди во објавата, без наведување на изворот,  а најмалку дека тоа штити од вируси. Но, постојат научни студии кои предупредуваат дека сода бикарбоната може да нанесе многу штети на организмот, особено ако се зема во големи количини и подолго време.

На реномираниот онлајн ресурс Medical News Today, кој дава медицински преглед заснован на докази од страна на медицинска мрежа на клинички експерти се посочува:

Конзумирањето на сода бикарбона може да предизвика различни несакани ефекти. Ако луѓето земаат сода бикарбона, тие ќе уринираат повеќе од вообичаеното, што лекарите го нарекуваат бикарбонатна диуреза. Со прекумерно уринирање, телото го губи изворот на хлорид, натриум, калиум и вода,  сите неопходни за нормални телесни функции. Премногу сода бикарбона може да го наруши сигурниот извор на бубрезите и потенцијално да ги спречува  да ја филтрираат содата правилно. Во екстремни случаи, дехидрацијата од потребата за уринирање и неможноста да се надополнува водата во телото може да предизвика сериозни компликации.

Авторот на овој медицински преглед, д-р Грант Тинсли, професор асистент на Универзитетот за техника во Тексас и директорот на Лабораторијата за енергетскиот биланс и градба на телото, посочува и случај на крварење и воспаление во мозокот, по внесувањето на голема количина на сода бикарбона. Притоа, е посочено дека содата може да предизвика  повисоки нивоа на натриум во крвта, познато како хипернатремија.

Луѓето честопати доживуваат повраќање и дијареа по земање премногу сода бикарбона. Причината за ова е високата количина на натриум, која ја повлекува водата во дигестивниот тракт за да помогне да се апсорбира. Откако телото го апсорбира овој натриум, тоа може да предизвика напади, дехидрација и бубрежна инсуфициенција, наведува д-р Тинсли.

Објавата, пак, ја нуди сода бикарбоната, во комбинација со лимон и вода, токму како лек за бубрези, но и за алкализација и чиsтење на телото, како и за регулирање на метаболизмот и согорување на маснотии, со што ја дезинформира јавноста и може да предизвика сериозни штети на организмот.

Намалувањето на киселоста на организмот не може да  спречи да се заразите или да се излекувате од коронавирусот. Научниците откриле дека вирусот има висок опсег на стабилност, од 3 до 10 на скала на рН вредноста (логаритамска скала од 0 до 14, почнувајќи од високо алкална до кисела). Со мешањето на горенаведените состојки,  ќе се постигне pH вредност помеѓу 6 и 8, кое не е ни блиску до нивоата што би можеле да го дестабилизираат вирусот. Медицинските стручњаци, исто така,  велат дека сода бикарбоната и не е толку алкална, но и дека телото природно го регулира изворот  на PH нивото за да се осигура дека не е премногу кисело или алкално. Она што едно лице зема во вид на храна има многу мал ефект врз овој процес.

Ова лажно тврдење не само што ги промовира неефикасните „народни методи“ на лечење, туку може да предизвика и труење , бидејќи сода бикарбоната е отровна ако се зема во преголеми количини. Таа го зголемува ризикот од срцев удар, а кога содата се меша со киселина, се случува хемиска реакција, од која нуспроизвод е ослободување на гас. Центарот за контрола на отрови (NCPC) предупредува дека  голем дел од гасот може да се акумулира во стомакот и да предизвика руптура,што е поверојатно кај лица кои консумираат голема количина на храна или алкохол.

Содата е особено токсична за децата, а од Канадското друштво за интестинални истражувања велат дека сода бикарбоната може да влијае и на апсорпцијата на лековите и може да предизвика широк спектар на негативни ефекти.

Исто така, овој „рецепт“ никако не може да помогне ни да ги согорите мастите (холестеролот), да ја намалите тежината, да го зајакнете кардиоваскуларниот систем и да го исчистите црниот дроб за да го зајакнете телото да се бори против вируси, како што се тврди во објавата.

Во некои случаи, ова може да му помогне на лицето да изгуби тежина, но веројатно не поради сода бикарбоната. Истражувањата сугерираат дека конзумирањето повеќе вода може да помогне во намалувањето на тежината. Но, тоа се должи исклучиво на водата, а не на пиење вода со сода бикарбона.Со пиење повеќе вода, луѓето можеби не чувствуваат потреба да јадат толку. Покрај тоа, повисоките количини на вода во телото може да го поттикнат  распаѓањето на мастите, наведуваMedical News Today.

Наместо непроверени напитоци, експертите препорачуваат конзумирање на добро избалансирана исхрана за да останате здрави и да изградите силен имунолошки систем, кој може да се бори против инфекции и болести. СЗО и CDC препорачуваат соодветни количини на хранлива храна како зеленчук, овошје, протеини и цели зрна, заедно со многу вода за да останете хидрирани.

Заради сите наведени факти, оваа објава ја оценуваме како лажна и неточна. „Магичниот лек“ може да има само незначителни   и краткотрајни здравствени ефекти, но не може да заштити од вируси. Конзумирањето во големи количини може да предизвика сериозни здравствени проблеми и да го попречи справувањето со вирусите, а пред сè вакцинирањето, како  единствена ефикасна заштита од ковид-19.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

my way

aberdzija 10 godini

youtubeplayer-xlarge

sil

Sanceva

Busbunar

mod_vvisit_counterДенеска1089
mod_vvisit_counterВчера6769
mod_vvisit_counterОваа недела18597
mod_vvisit_counterМинатата недела31822
mod_vvisit_counterОвој месец94835
mod_vvisit_counterМинатиот месец153921
mod_vvisit_counterВкупно15823962
© 2015 - Аберџија. Сите права се задржани.  Порталот е хостиран и спонзориран од Surfree. Креиран од Мартин Марковски.