Нема успеси во фудбалот без долга и квалитетна клупа. Тоа добро го знаат сите, а го знаеја и тренерите на Силекс, Тасевски и Симов. Можеби Силекс во есенската сезона немаше долга и квалитетна клупа, но затоа речиси секогаш прв избор на тренерите беше штипјанецот ДАРКО АЛЕКСОВСКИ - ПЕЛЕ. За волја на вистината, Пеле на неколку меча беше и стартер, но сепак, најчесто влегуваше како прва замена, играјќи повеќе од солидни триесеттина минути. За него сите велат дека игра фудбал со срце, без многу размислување. А зошто и би размислувал еден играч како него што поседува топ во ногата. Знаеше Пеле често да распали од дваесеттина и повеќе метри, постигнувајќи евроголови на мечевите од националниот Куп. Неколку пати немаше и среќа, погодувајќи ја рамката на голот. Двапати се запиша во листата на стрелци, против Ренова и Македонија ЃП. Стрелаше и во купот против Братство Влазними. Пропушти само два меча, против Вардар и Работнички, останувајќи на клупата.
Знаејќи ги квалитетите на Алексовски, очекуваме на пролет да добие поголема шанса, поголема слобода во играта и многу голови.
ДАРКО АЛЕКСОВСКИ - ПЕЛЕ - најдобар играч на Силекс од „сенка“
Најново
Денеска | 2283 | |
Вчера | 2063 | |
Оваа недела | 13077 | |
Минатата недела | 20004 | |
Овој месец | 48114 | |
Минатиот месец | 86712 | |
Вкупно | 19674315 |