Поранешни фудбалери на Силекс ги испокинаа противничките мрежи на второлигашките мечеви одиграни изминатиот викенд. Дури седуммина стрелаа прецизно, носејќи бодови за своите тимови. Антонио Каланоски погоди за Борец, Мартин Петров за Плачковица, Ѓорѓи Џонов за Беласица, Кристијан Костовски за Македонија ЃП, Дејан Лескароски за Лабуништа, Благојче Главевски за Струга Трим Лум и Бобан Мариќ за Гостивар.
Покрај овие стрелци, во второлигашките клубови настапуваат и други екс-играчи на Силекс како Џангаровски, Јонузи, Симјановски, Ѓорески, Коњарски, Клечкароски, Џалески, Миленов, Ников, Мојсов, Багашовски, Аксентиев, Натков, Лиманов, Пановски, Танушев, Ацевски, Темелков и други. Ако се соберат имињата на сите играчи, Силекс би можел да склопи две-три второлигашки екипи со квалитет да се борат за елитата.