Севиља поведе против Атлетико Мадрид во 73-та минута. Се чека уште еден гол до крајот на мечот за најголемата добивка во историјата на македонското обложување вредна 700.000 евра. До крајот на мечот Годин, Франко Васкез и Вието трипати беа во добри прилики за гол, но мрежата остана незатресена. Еуфорија кај сопствениците на обложувалницата Моцарт, благодарение на Рико и Облак избегнаа банкрот. На спротивната страна, разочарување и нервен слом кај обложувачот од Скопје, кој веројатно никогаш повеќе нема ниту да се приближи до ваква висока добивка. За утеха, Моцарт му исплати 75.000 денари бонус на типувачот кој со осум тикети со вкупна уплата помала од 1.000 денари можеше да стане милионер.