Фудбалерите на Силекс со резултатски неуспешна генералка ќе влезат во новото фудбалско првенство кое стартува следниот викенд. Македонскиот вицепрвак Вардар имаше успешна проверка на формата, славејќи денеска со 0-1 против Силекс во Кратово. Стрелец на единствениот гол за вардарци на овој дуел беше бразилскиот интернационалец Вилијан Лира во 36-тата минута.
Кратовци одиграа солидно во сите 90 минути, а за издвојување е дека двапати ја погодија рамката од голот, по еднаш во првиот и вториот дел од натпреварот.