gogo

A+ R A-


Вистиномер: Коментаторски наслов наведува дека на Заев му е поважен одморот од новата влада

altПишува: Весна Коловска

Дигиталниот медиум „Денешен“ објавува текст во кој пишува за плановите на коалицијата „Можеме“ во периодот до завршување на работата на Државната изборна комисија (ДИК).

Текстот е пренесена изјава од „Плусинфо“, со наведување на изворот, но без линк. Меѓутоа, текстот не изнесува повеќе информации, туку коментира, па дури и осудува, во насловот. Притоа, приложена е фотографија од лидерот на СДСМ, Зоран Заев од неговиот краток одмор на Халкидики, Грција во 2018 година, што тогаш ја објавија грчките медиуми.

alt

 

Текстот наведува дека на Заев поважен му е одморот од составувањето на новата влада, иако текстот подолу објаснува зошто коалицијата оди на одмор.

Коалицијата „Можеме“ на СДСМ во очекување на конечните официјални резултати од Државната изборна комисија  од предвремените парламентарни избори, од денеска ќе оди на одмор сѐ до Илинден, објавија повеќе медиуми.Лидерот на СДСМ Зоран Заев разговорите за состав на новата влада ќе ги почне по 2 Август, вели за Плусинфо висок функционер на СДСМ.

Во време кога 80% од корисниците на социјалните мрежи ги читаат само насловите, без да го отворат линкот и прочитаат текстот во продолжение, се гледа намерата на авторот да дезинформира и да го заведе читателот.

Новинарот во пишувањето треба да има неутрална позиција, ослободен од обврски кон одредени структури, туку единствената негова обврска е обврската кон публиката, да ја информира според основните новинарски  и етички стандарди.

Во Кодексот на новинари во делот за принципите на работењето, се наведува:

Право и должност на новинарите е да настојуваат да ја спречат цензурата и искривувањето на вестите.

Кодексот предвидува и дел за известување од политичките процеси: „посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти“.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.

aberdzija 10 godini

my way

youtubeplayer-xlarge

sil

Sanceva

Busbunar

mod_vvisit_counterДенеска815
mod_vvisit_counterВчера5713
mod_vvisit_counterОваа недела36307
mod_vvisit_counterМинатата недела54754
mod_vvisit_counterОвој месец44253
mod_vvisit_counterМинатиот месец224902
mod_vvisit_counterВкупно13252687
© 2015 - Аберџија. Сите права се задржани.  Порталот е хостиран и спонзориран од Surfree. Креиран од Мартин Марковски.