Тиква со гигантски размери, каква досега не е видена на нашиве простори, произвеле Драги и Лозанка Наневски од кратовското село Филиповци. Мерењето покажало дека тиквата тежи 100 килограми, со обем од 164 сантиметри и висина од 80 сантиметри. Вакво чудо од тиква досега немало во нивната нива, па и самите се изненадиле од она што го виделе.
Последниве две-три години порталот Аберџија објави повеќе стории за гигантски домат од 1,5 килограм произведен во Кратово, за краставица долга 52 сантиметри и слични рекордни производи од родната кратовска почва.