Внимание!!! Смокот може да тропне и на вашата врата!!!

Смокови долги и до два метра се печат на жешкото сонце што како под вршник го пржи градот. Жителите на Кратово велат дека летово се многу чести средбите со влечугите. Викендов блиска средба со смок долг најмалку 150 сантиметри имал нашиот сограѓанин Заре, кој во непосредна близина на својата куќа со неколку удари со стап го отепал натрапникот.

Смокот може да се намота околу човек и да се обиде да го усмрти со стегање. Но, поопасни се змиите отровници бидејќи од нивното каснување, ако не се укаже навремена лекарска помош, лицето може да умре. Затоа отварајте четири очи, за да навреме ги избегнете можните непријатности...