Ева Китанова, Ведран Арсовски, Невенче Љубеновска, Благоротка Иванова, Андреј Аневски, Давор Трајковски, Стојанче Иванов, Ангелче Митковски, Жаклина Георгиевска, Ивана Манева, Дарио Арсовски, Христина Трифуновска, Наташа Давиткова, Кристијан Антониев, Деспина Арсова... ова се само мал дел од оние кои ја имаа таа среќа на Бадник да им се падне паричката...„Каде и да си, за Бадник, дома да си“, велат старите, а оваа поговорка ја почитуваат и помладите. Бадник е празник кога семејството се собира заедно во домот, седнува на заедничка посна и богата трпеза и крши лепче со паричка. Се верува дека на оној кому ќе му се падне паричката, цела наредна година ќе го следи здравје, успех и среќа. Традицијата налага оваа вечер да не се оди никаде на гости, туку да се остане во домот со богато посно мени што има и симболично значење означувајќи богатство и изобилство и во наредната година.