Млади полицајци од Кратово се херои на денот, откако денеска спасиле два човечки животи во огнената стихија која беснеала во кратовското село Живалево. Според очевидците на настанот, полицајците во последен момент успеале да извлечат стар брачен пар од куќа која ја зафатил оган. Се работело за слепа баба и дедо со скршена нога, кои оставени сами на себе, веројатно фатално ќе го завршеле животот да не била интервенцијата на полицајците.
Секоја чест за пожртвуваноста во работата на полицајците, за храброста и хуманоста со која спасија два човечки животи.