За разлика од возрасните, познато е дека децата немаат влакна на јазикот и она што го мислат, без многу размислување го кажуваат. Четвртоодделенците од кратовското училиште „Кочо Рацин“ го бомбардираа градоначалникот Мите Андоновски со незгодни прашања, а изнесоа и низа предлози за подобрување на животот во градот. Децата побараа подобро осветлени улици во вечерните часови, паркинг-простор во центарот, изградба на детски катчиња, зеленило и цвеќе на градскиот плоштад и низа други предлози. Градоначалникот Андоновски и претседателот на општинскиот Совет, Саше Георгиевски, добро се испотиле на детските прашања и ветиле дека ќе работат на остварување на нивните детски желби.