Хуманитарната акција за лекување на Билјана Пешевска од кратовското село Трновац продолжува со несмален интензитет, откако во неа се вклучија голем број граѓани од земјава и странство. По сторијата објавена на порталот Аберџија, Сител и Нова Македонија, денес кон акцијата се вклучи реномираната фирма за продажба на спортска опрема и облека „Спортвижн“ (Sport vision), уплатувајќи 60.000 денари за лекување на малата Биле. Кон акцијата се приклучи и нашинецот од Швајцарија, Ванче Коцевски, кој уплати 5.500 денари, а кон крајот на месецот лично ќе допатува во Кратово за да врачи уште поголема донација.