Општина Кратово и се оддолжи на легендата на македонската музика сцена, Вања Лазарова, со поставување на мурал со нејзиниот лик во центарот на градот. мурлот го наслика уметникот Ненад Тонкин.
-Ја имав таа чест да насликам мурал кој го слави ликот на Вања Лазарова, синоним за македонската изворна песна и достојна негователка на фолклорот, родена во кратовското село Страцин. На муралот е претставена и кратовската кула како еден од највпечатливите симболи на градот.  Кратово е магичен и уникатен македонски град и горд сум што сега е за степен поубав и побогат со овој мурал - автентичен споменик на Вања Лазарова, истакна уметникот Тонкин.