Раководството на Силекс не треба да се грижи што на лето ќе остане без услугите на фантастичнот Игор Недељковиќ. Денес фудбалската публика во Кратово го виде наследникот на Недељковиќ, новиот љубимец на навивачите, Јован Кастратовиќ - Кастро. Во лудата завршница на мечот со Брегалница, Кастро беше херојот кој во 93-тата минута на асистенција на Недељковиќ реализираше за 3-2 и голема победа на кратовци. Минатата недела тој настапи 4-5 минути во ремито со Шкендија, но овојпат влезе во игра во 46-тата минута на местото на Пановски и веднаш направи дар-мар на теренот.
