gogo

Oki kom baner 1

A+ R A-


Вечерва кратовци ќе уживаат во звуците на тамбурата и староградската песна (ВИДЕО)

Резултат со слика за evropski tamburaski festival

Општина Кратово и годинава, по осми пат, ќе биде домаќин на меѓународната манифестација „Европски фестивал на тамбурашки оркестри“, која ќе се одржи вечерва во градот на кулите и мостовите. Од Здружението за култура и уметност „Св.Ѓорѓи Кратовски“ од Кратово, кое се јавува како организатор на фестивалот, информираат дека оваа манифестација од оваа година прераснува во регионална.
-Оваа година одлучивме фестивалот да се одржува во две вечери, едната во Пробиштип, другата во Кратово. Со тоа даваме епитет на фестивалот да прерасне во регинален, односно фестивал на едно повисоко ниво – вели Милош Димитровски, организатор на фестивалот.
На годинашниот фестивал ќе учествуваат оркестри и истакнати поединци од три земји. Покрај домаќините „Кратовски тамбураши“, ќе настапат и оркестри од Белград и Бања Лука, како и неколку домашни состави и солисти.
Осмиот „Европски фестивал на тамбурашки оркестри“ ќе се одржи во мултимедијалниот центар во Кратово, со почеток во 21 часот, а влезот ќе биде бесплатен. Од локалната самоуправа на општина Кратово информираат дека манифестацијата која прерасна во бренд на градот Кратово, е дел од вековната традиција на градење на македонската староградска песна, преку која се промовира нашето културно и музичко творештво.
Оливер Арсовски

 

 

Додади коментар


Кодот на сликата Освежи

green-green-green

my way

Screenshot 3

youtubeplayer-xlarge

sil

Sanceva

Busbunar

mod_vvisit_counterДенеска7
mod_vvisit_counterВчера3822
mod_vvisit_counterОваа недела7567
mod_vvisit_counterМинатата недела27477
mod_vvisit_counterОвој месец84605
mod_vvisit_counterМинатиот месец107871
mod_vvisit_counterВкупно10671882
© 2015 - Аберџија. Сите права се задржани.  Порталот е хостиран и спонзориран од Surfree. Креиран од Мартин Марковски.