Пред малку американските медиуми делумно го открија идентитетот на тројцата добитници на најголемата лото-премија во историјата на човештвото, вредна 640 милиони долари. Од она што успеав да го пронајдам во интернет изданието на „Њујорк тајмс“, напишано на англиски, пишува дека двајца се Американци, а еден бил по потекло од Македонија. Интересно е што во текстот не се спомнува идентитетот на лицето од Македонија, но се спомнува на две места градот Крашово (таков град во земјава нема, или е Крушево или е Кратово). Пишува дека добитниците живееле во градот Чикаго, а познато е дека има најмалку 5-6 луѓе по потекло од Кратово кои живеат таму подолг период. Сепак, нема да избрзуваме со заклучоци, туку ќе почекаме американската лотарија да го открие идентитетот на добитниците, па да видиме дали во Кратово ќе влезе инвестиција вредна 200 милиони долари...