Општина Кратово во соработка со Агенцијата за финансиска поддршка на земјоделието и руралниот развој деновиве го реализира проектот – Изградба на велосипедска патека од с.Шлегово до Сланушка. Проектот се реализираше во рамките на Програмата за финансиска подршка на руралниот развој за 2011 година, а инвеститори се Агенцијата за финансиска поддршка на земјоделието и руралниот развој која доделува средства во износ од 2.400.000 денари, а остатокот од 1.700.000 денари го плаќа Општина Кратово од сопствениот буџет. Со проектот се подобрува квалитетот на животот во руралните средини, а ова ќе придонесе и за развој на туризмот во целата општина.