СВР Куманово поднесе кривична пријава против Љ.Ј. (35) од Кратово поради постоење основи на сомнение за сторено кривично дело „измама“, пишува во официјалниот билтен на МВР. Пријавената во периодот од 08.02.2011 година до 22.08.2013 година, лажно прикажувала и прикривала факти дека отплаќа рати за купување на дуќан, доведувајќи и држејќи го во заблуда М.В. (40) од Кочани, кој привремено работи и живее во Р.Италија. Оштетениот во наведениот период, по претходен договор со пријавената да отворат дуќан за продажба на текстилни производи, преку WESTER UNION во 218 наврати и пуштил парични средства во вкупен износ од 26.679 евра, за кој износ е оштетен.