Тошо Куковски, Јове Гичев, Митко Пенџуклиски се дел од имињата на борците кои загинале далечната 1944 година за слободата на Македонија. Во нивна чест, денес во Кратово беше положено цвеќе пред нивните бисти, на денот кога кратовчани слават 72 години од ослободувањето на градот и 72 години од одржувањето на АСНОМ. Неколкумина се уште живи борци од Кратово, претседателот на општинската организација на Сојузот на борци, Миле Марковски, делегации на партиите ВМРО-ДПМНЕ и СПМ и голем број граѓани се поклонија пред оние кои го дале животот за слободна Македонија.
Во рамките на прославата, во Музејот на град Кратово беше отворена ликовна изложба на дела од детската ликовна колонија „Лазар Софијанов“.