Кратово доби детски забавен парк

пишува - Оливер Арсовски

Детското игралиште претставува проект кој е реализиран од страна на ЗГ "Регионален центар за одржлив развој" Кратово, а финански е поддржан од Мировниот Корпус.
Истиот е составен дел од проектна активност насочена кон реконструкција на спортското игралиште во рамките на ОУ „Кочо Рацин“, за чија реализација своја логистичка и финансиска поддршка обезбедија Општина Кратово, ЗГ РОМА, ЗГ „Регионален центар за одржлив развој“ и волонтерите на Мировен Корпус.
Голема заслуга за реализацијата на овој проект имаат волонтерите од НВО „Bauorden“ Германија, кои освен со финансиско учество, придонесоа и со свој личен труд во реконструкција на игралиштето. Висината на целокупниот проект изнесува 260.476 ден, или нешто повеќе од 4.000 евра.
„Целта која сакаме да ја постигнеме преку ваквата активност е со обезбедување на вакво детско катче да им овозможиме на најмладите преку забава и дружба правилен психосоцијален развој, и преку забавен начин поголема социјализација на постарите, оттргнувајќи ги од грижите на секојдневното живеење“, ни рече волонтерката Јорданка Шапкалиска.