Кривопаланечкото здружение Граѓански центар за одржлив развој Егри" започна со имплементација на проектот "Истражување за постоење на автохтона раса свињи - шишки - во Република Македонија и предлагање на мерки за нејзина заштита".
Шишките се редок сој на свињи, полудиви и се одгледуваат на специфичен начин, а се загрозен вид и се на работ на исчезнување.
Проектот ќе резултира со документ со мерки за заштита на овој вид животни, како и правење на резервати на Осоговските Планини, како идеално место за зачувување на овој вид свињи и изградба на репродукциски центри не само за Македонија, туку и пошироко на Балканот. Ментор на проектот е Владин Вуковиќ, професор на Факултетот за земјоделски науки и храна при УКИМ од Скопје.