На 28 мај 2014 година, околу 19 часот, на м.в К’шла, атар на с. Коњух, Кратово, од страна на полициски службеници од ПС од ОН Кратово, извршена е контрола на две товарни моторни возила со кумановски регистрарски таблички, и тоа едното управувано од Н.К (33), а второто од К.М (67), двајцата од Куманово, при што е констатирано дека во возилата без дозвола се пренесуваат минерални суровини – песок, како и тоа дека возачите немаат соодветна документација за возилата.

Поради целосно расчистување и документирање на настанот, двете товарни возила со полициска придружба тргнале кон ПС Кратово. Додека колоната се движела по патот, возачот Н.К извршил кипање на песокот од возилото, кој песок испаднал пред полициското службено возило кое било непосредно зад камионот, со кое дејствие е предизвикана опасност за животот и телото на полициските службеници, по што преку нивите, празно се дало во бегство во правец на Куманово. Второто товарно возило заедно со возачот е донесено во ПС од ОН Кратово.

Од страна на полициските службеници на СВР Куманово, веднаш е пронајдено избеганото товарно возило, а по целосно расчистување и документирање на настанот, против двајцата возачи ќе биде поднесена соодветна пријава по закон за минерални суровини, а против возачот Н.К ќе биде поднесена и кривична пријава за две кривични дела и тоа: ”Предизвикување општа опасност” и “Спречување на службено лице во превземање службени дејствија “.

СВР Куманово досега има поднесувано кривични пријави против двајцата возачи и тоа за ”Употреба на исправа со невистинита содржина”, а против Н.К и за КД ”Измама”.