На 1 и 2 јуни, во Лесковац, се одржа 4-та работилница од проектот „Да ги поврземе бисерите“, што го спроведуваат Град Лесковац и општина Крива Паланка, во партнерство со Центарот за развој на Â Пчињско- јабланичкиот регион,со поддршка на ИПА 2 програмата Â за прекугранична соработка помеѓу Македонија и Србија.
На работилницата беше презентирана драфт верзијата на Акцискиот план за заеднички одржлив туризам , кој начелно беше прифатен од страна на Работната група составена од претставници на јавниот , приватниот и невладиниот сектор од Лесковац и Крива Паланка.
Учесниците дискутираа и даваа предлози и за заедничка културна понуда и за  заедничка Green и Outdoor понуда која ќе ги поврзе општините од пограничниот регион. Притоа, особено внимание беше посветено на намалувањето на штетните влијанија врз природата и заштита на еколошката средина.
Вториот дел од работилницата беше посветен на дефинирање на програмата за предвидениот  Green викенд и програмата за работилницата за соработка. Беше одлучено во Лесковац да се одржи дводневен фестивал на отворени културно- рекреативни активности кои вклучуваат планинарска акција, културно-забавна програма,презентација на културно наследство , подготовка и дегустација на традиционална храна на повеќе локации во Вучје и покрај реката Вучјанка. Крива Паланка, пак, ќе организира крос трка со препреки на потегот село Станци –Станечки водопади-Калин Камен на која ќе учествуваат млади, возрасни и професионалци, а дводневната манифестација ќе биде придружена со повеќе културно-забавни содржини.
https://spectar.org.mk/rabotilnica-za-odrzhlivost-vo-ramki-na-proektot-da-gi-povrzeme-biserite/?fbclid=IwAR3jtsZ4YoNfUPn_ynPJPgs2C0gcIfHw5rmBrm4PLiqJmM_g34Dg4d6sWwU
