Благодарение на напорите и љубопитниот дух на кратовецот Иванче Спасовски, читателите на порталот „АБЕРЏИЈА“ имаат ексклузивна можност да го видат Кратово во една поинаква светлина. Документарецот е снимен далечната 1964 година, пред речиси 50 години, и е посветен на ликовната колонија. Во него може да се види педагошката дејност на професорот Лазар Софијанов, Султан-Муратовата џамија која веќе не постои, многу познати кратовски ликови кои тогаш биле дечиња, сцени од тогашниот пазар пред денешниот Музеј и многу други моменти кои сведочат за историјата на Кратово.
