Гастро Мак - националната организација на готвачи од Македонија утре ќе биде присутна во Кратово, каде ќе го промовира својот најмлад член, кратовецот Цветанче Тодоровски. Во 10.30 часот на плоштадот „Павел Шатев“ во Кратово ќе пристигне Андријана Алачки, која е заштитно лице на Гастро Мак, ќе се сретне со граѓаните на Кратово, а потоа ќе следи посета на Саат-кула, турскиот затвор и Музејот на град Кратово. Таму заедно со готвачот Цветанче Тодоровски ќе се снимаат неколку емисии посветени на традиционалните јадења, кои наскоро ќе се прикажат во кулинарското шоу „Вкусот на традицијата“.