Сите христијански верници од Кратово и околината годинава ќе имаат избор плус за прослава на празникот „Свети Илија“. Покрај неколкуте празнични собори на различни локации, од оваа година голема прослава на Илинден на 2-ри август ќе се случува на браната „Злетовица“ кај работничките бараки. Овој голем црковен собор е во организација на луѓето кои потекнуваат од Кнежево, а на настанот се очекува да присуствуваат голем број граѓани од Кратово, Пробиштип, Злетово и околните села.
По тој повод ќе има и организиран превоз од автобуската станица во Кратово. Цената на повратен билет ќе изнесува 200 денари.