Општина Кратово беше учесник на Меѓународниот саем за туризам „Скопје травел маркет 2014“ кој се одржа на 10, 11 и 12 април на Скопски саем. Кратово го промовираше своето богато културно – историско наследство и се претстави во најдобро светло, нудејќи богат промотивен материјал и запозанвање со историјата, културата и традицијата на древното Кратово. Оваа понуда беше збогатена и со звуците на кратовските тамбураши и секако дегустацијата на кратовските кулинарски специјалити.   Интересот за Кратово како туристичка дестинација која нуди можност за повеќе видови на туризам, се повеќе расте, доказ е и тоа што штандот на општина Кратово беше еден од најпосетените на саемот.