ВЕЧЕР, 8 март 1976.   Илија Китановски од Кратово веќе две децении се занимава со препарирање животни. Неговиот дом е место на мала збирка од птици и животни. Во моментот кога го посетивме препарираше една еребица, што ја купил од ловечкото друштво „Сокол“.
-Уште како учител на село, пред 20 години, бев испратен на семинар во Охрид. Бевме задолжени да изработуваме магледни средства, меѓу кои и препариеање животни. Тогаш го засакав овој занает. За неполна година успеав да препарирам над 25 птици, две лисици и неколку зајаци. Кога заврши учебната година, на селаните од Туралево каде бев учител, им направив мала изложба со 45 препарирани животни - истакна Китановски. Спасе Георгиевски