ВИДЕО на линкот http://sitel.com.mk/kratovci-se-podgotvuvaat-za-utreshniot-praznik-svgjorgji-kratovski

Покрај народната изрека „Кај и да си, за Бадник дома да си“, во Кратово важи уште една. „Кај и да си, за св.Ѓорѓи Кратовски во Кратово да си“. Новомаченикот свети Ѓорѓи кој пострадал бранејќи ја христијанската вера, долги години е заштитник на градот Кратово. Во пресрет на утрешното славење на неговото име, кратовчани со пиетет говорат за неговото дело.

На утрешната литургија ќе богослужи владиката Јосиф, а ќе биде осветено и старото кино кое по повеќе од 20 години беше реновирано. Утре ќе биде пуштен во употреба и хотелот „Кратис“, кој повторно блесна во полн сјај и ги разбуди спомените за старите времиња кај постарите жители на градот.

Во Кратово веќе започнаа подготовките за 2015-та година, кога ќе се чествуваат 500 години од маченичката смрт на патронот на градот.