Театарот „Чекори“ вечерва во 20 часот на сцената на Мултимедијалниот центар (кино сала) во Кратово премиерно ќе ја изведе претставата „Измамници“ од авторот Звонимир Бајсиќ, а во режија на Маја Ѓурчевска. Улогите во претставата ги толкуваат Давид Ангеловски и Даниел Гочевски, суфлер е Марија Младеновска, а тон и светло мајстор е Никола Димевски.
Делото спаѓа во жанрот комедија, а влезниците по цена од 100 денари можат да се набават на самиот влез, пред почеток на претставата.
Со своето 48-годишно постоење, Театар ,,Чекори” е најстариот алтернативен театар во Македонија.