Вечерва (среда, 28 ноември) во 18:30 часот, во просториите на Културно-информативниот Центар на Република Македонија во Софија, ќе биде отворена изложбата „Павел Шатев – Живот посветен на Македонија“. На 23 паноа, ќе бидат изложени фотографии и документи од богатиот животен и револуционерен пат на Павел Шатев. Настанот ќе го отворат, Васко Шутаров – директор на КИЦ на Македонија во Софија, Драган Георгиевски – директор на Музеј на град Кратово и д-р Зоран Тодоровски – директор на Државен архив на Република Македонија.

Изложбата е организирана во соработка на Музејот на град Кратово и Културно-информативнит Центар на Република Македонија во Софија, а нејзината реализација помогната од македонското Министерство за култура.