Хуманоста на некои луѓе дефинитивно нема граници, а тоа на наједноставен начин може да се забележи во потегот на 21-годишната Христина Николовска од с.Куклица, која 17 години е во инвалидска количка и во текот на животот преживеала стотина скршеници на коските. Младата кратовка, за која се појави зрак надеж дека може да биде оперирана и излекувана доколку ги собере потребните 10.000 евра, вчера на својот Фејсбук профил, наместо за себе, апелираше да и се помогне на малата 4-годишна Ања од Кратово, за која истотака, порталот АБЕРЏИЈА неодамна пишуваше. Овој потег на милосрдие и човечност на Христина навистина заслужува честитки.