24-годишниот Г.М. од Пробиштип си заработи кривична за измама. Пријавениот во периодот од август минатата година до февруари годинава со намера за себе да си стекне пари, довел во заблуда неколку  граѓани од Штип. Според податоците од полицијата, измамникот со лажно прикажување на факти ветувајќи им дека како добар познаник со високи политички и владини функционери ќе им помогне при добивање на социјални станови, возачки дозволи и инвалидски пензии. Тие како  против услуга требало да му дадат различен паричен износ со што им причинил материјална штета во износ од 3300 евра.