Пред неполни три месеци на стадионот во Пробиштип се играше прволигашки фудбал, играа и женски репрезентации, а денес стадионот не може никој да го препознае, како да паднала нуклерна бомба. Теренот подолго време не видел капка вода, тревата сува и уништена, настрешницата отстранета, соблекувалните испокрадени.
Според сознанието, ваквата состојба е резултат на војната меѓу досегашниот акционер „Црешово топче“ и локалната самоуправа, по што деновиве стадионот повторно се врати во владение на општината. Добра вест е што ФК Рудар доби покана да се натпреварува во Третата лига, под услов да ја плати котизацијата од 200.000 денари. Дали општината ќе застане зад клубот, ќе видиме наскоро.