Во централното градско подрачје на Пробиштип, на крајот од стариот градски пазар, се наоѓа кафеаната „Кај Зоки“. Во сенката на високи дрвја, на аголот од „Лениновиот плоштад“, е распослан ресторанот со 17 години традиција, со многу убава храна и прекрасен амбиент. Со капацитет од 40-тина места во затворениот дел, и уште толку на летната тераса, оваа култна кафеана е примамливо место за сите љубители на гурманските специјалитети. Во ресторанот „Кај Зоки“ се нудат сите специјалитети карактеристични за Осоговието, и локални и регионални. Персоналот и сопственикот на ресторанот се посебно горди на својот омилен специјалитет наречен „Златен ќебап“. Во ресторанот се нудат и многу специјалитети од палетата на „Слоуфуд“, како надалеку познатата „манастирска манџа“, манастирско сирење посолено со кратовската „к'цана сол“ и залеано со манастирска ракија, со благослов од владика.
Цените се скроени според стандардот на просечниот граѓанин, прифатливи за сечиј џеб.
Во рамките на ресторанот постои и сместувачки капацитет со повеќе соби кој наскоро треба да биде ставен во функција.
Работното време е од 08 до 23 часот
Резервации 032/484-789 и 078/302-186
мејл: Оваа е-пошта е заштитена од spambots, треба да вклучите JavaScript за да ја видите