Денес сите патишта водат во Пробиштип, малото рударско градче на североистокот од земјава, каде вечерва се одржува летното отворено издание на „Таксират“. Холандскиот “ди-џеј“ Пол ван Дајк, кој е главна ѕвезда на “Аква-парк фестивалот“ во Пробиштип што ќе се одржи вечерва и утре (24 и 25 мај), за свој гостин го најави фудбалерот на Манчестер Јунајтед, Рио Фердинанд. Ван Дајк на својот официјален профил напиша дека со Фердинанд и пивото “Хајнекен“ ќе уживаат во финалето од Лигата на Шампиони во кое ќе се сретнат Баерн Минхен - Борусија Дортмунд. Ајде да видиме дали навистина ќе го имаме тоа уживање заедно со двете големи светски ѕвезди да го проследиме големото финале на ЛШ меѓу Баерн и Борусија...

Во меѓувреме на социјалните мрежи проциркулира поинаква верзија, според која Пол ван Дајк воопшто нема да биде присутен во Пробиштип, туку во живо ќе има сет на Ибица, на кој ќе присуствува и Рио Фердинанд, а настанот ќе биде пренесуван на видео-бим во Пробиштип.

Најавена е исклучителна ноќ за љубителите на врвната електронска музика, а секако човекот кој ветува најногу публика е секако еден од најзначајните луѓе во историјата на електронската денс музика Paul Van Dyk. Подеднакво експлозивен настап ветува и Mark Knight, британскиот диџеј и автор на некои од најголемите хитови во последните 10 години, кој настапува на првиот ден од „Аква Парк Фест“.

Покрај Paul Van Dyk и Mark Knight, од музичката програма потврдени се и настапите на Кирил Џајковски, Sunnery James & Ryan Marciano, Суперхикс, Фолтин, Bernay`s Propaganda, S.A.R.S., Smut, Foolish Green, Conquering Lion, Сашко Костов & TWW, Iceberg & Lephonq, Flooder, Rootboy, Цобе&Стефано, New Sound Band, Ghetto Rudi, Branchez, No End, Прв Ред, Skullcrush, Skyrise и Anna O.  пишува - Оливер Арсовски