Волци уништуваат стада овци во кратовското село Којково. Волци го нападнале стадото со овци, а пролетно се гостеле и со кози и јариња на Коле Манев, сточар од село Којково, лоцирано токму на општинската граница помеѓу Пробиштип и Кратово.

„Се ми изедоа за само десетина дена. Овци, јагниња, кози, јариња, се, сосем малку остана од двете стада. 30 грла отидоа во неповрат. Што да правам со оваа катастрофа, не знам“, изјави несреќниот Коле Манев.

Проблемот со овчарот од Којково, е прв по последниот случај на поголемо уништување на ситен добиток од  волци во пробиштипско-кратовскиот регион, евидентиран пред неколку години.