Во 11 часот и 30 минути во Пробиштип на крстосницата од улицата „Македонски Револуционери“ и регионалниот пат Р-1205, се случила сообраќајна незгода помеѓу возило „Даеву Ланос“ со штипски регистерски ознаки управувано од 58-годишниот штипјанец П.К. и возило „Фолксваген Туран“ со бугарски национални ознаки управувано од 40-годишниот Ј.Е. од Пробиштип.

Во незгодата со тешки телесни повреди и тоа фрактура на вратна десна рамена коска, контузија на глава и огреботина на челото, се здобила сопатничката во возилото „Даеву Ланос“, 37-годишната С.Ј.Б. од Штип.

По овластување на Јавен обвинител, бил  извршен  увид од страна на Полицијата Пробиштип.

Се работи на целосно расчистување на случајот.