На североистокот нема да има речиси никакви промени на градоначалничките позиции, откако Мите Андоновски победи во Кратово, Тони Тоневски во Пробиштип, а Арсенчо Алексовски во Крива Паланка. Единствено дојде до смена во Ранковце, каде Орце Тодоровски е детронизиран, а на негово место доаѓа Момчило Алексовски.

Најубедливата победа во Осоговскиот регион ја оствари кандидатот на ВМРО-ДПМНЕ, Тони Тоневски, кој со неверојатни 5.000 гласови разлика го победи својот ривал. Тој освои 7.023 гласови наспроти 2.080 на противникот, што е неверојатен сооднос од 3,5:1. Да потсетиме дека на претходните парламентарни избори во Кратово беше остварен најдобриот сооднос во целата земја, 2,3:1 во корист на владеачката коалиција.