Порталот „Аберџија“ продолжува да ги следи фудбалерите или тренерите кои оставиле длабока трага во кратовскиот прволигаш Силекс. Првата вест доаѓа од тетовско Боговиње, каде тренерот Ане Андовски по серијата порази си поднесе оставка. Тренерска смена има и во фенерџијата Тетекс, каде Ѓорѓи Тодоровски - Џони му ја препушти клупата на Горазд Михајлов.
Трансфер деновиве направи и екс-напаѓачот на Силекс, Ангел Нацев. По лошата епизода во Брегалница, тој потпиша за Хоризонт Турново.
