Искусниот напаѓач Драган Чадиковски (32) потпиша за српскиот суперлигаш Раднички од Крагујевац. Поранешниот фудбалски репрезентативец ќе се обиде со своите голови да го спаси Раднички од испаѓање, откако клубот се најде во долниот дел од табелата по есенската полуетапа.
Чадиковски есенва го носеше дресот на словенечкиот прволигаш Цеље, постигнувајќи два погодоци, Во кариерата настапувал и за Партизан, Инчеон, марибор, Домжале, Копер, Олимпија и Рудар Велење. (О.А.)
