Некогаш беше дерби! Според бројот на освоени титули, но и меѓусебното ривалство, Вардар - Силекс секогаш бил и ќе биде дерби меч. Според изгледот на табелата, денеска во Маџари ќе се игра еден обичен прволигашки меч, могу значаен за Силекс поради важноста на бодовите, а далеку порелаксирачки за Вардар, кој речиси ја обезбдени евровизата.
-Денес гостуваме на противник кој е во силен налет и игра во одлична форма во последно време. Ние играме променливо, на некои мечеви немавме и среќа. Денес бодовите ни се многу потребни, ќе сториме се за да се вратиме назад со полн плен. Со други зборови, одиме да го изненадиме Вардар - ни рече Дарко Додев, од кого се очекува да ја пробива домашната одбрана и да создава опасни ситуации пред голот на Гачевски.