Силекс денес ја пречекува прилепска Победа (15.30) во рамки на седмото прволигашко коло, во меч кој е од огромно значење за двата тима. Кратовци по четирите едноподруго порази немаат право на грешка, тоа добро го знае и тренерот Жикица Тасевски, но и фудбалерите на теренот. Од друга страна, доаѓа уште една „ранета“ екипа, која пред 3-4 дена остана без тренерот Зоран Штерјовски и денес ќе ја предводи нов тренер од Црна Гора.
-Свесни сме за значењето на мечот, свесни колку ни се потребни денешните три бода за враќање на атмосферата и на победничките патеки. Ќе сториме се за таа толку посакувана победа, а јас ќе се потрудам да ја сочувам мрежата недопрена - ни рече голманот Милан Митровиќ.