Фудбалерите на Силекс денес (16.30ч.) треба да заборават на сите трауми од минатото кога играле против Шкендија и со три бода да го заверат излезот во Европа. Статистиката во пресрет на денешниот дуел меѓу Силекс и Шкендија вели дека Шкендија е голем фаворит, но на теренот и не мора да биде така.

Бројките велат дека на последните 22 првенствени натпревари тетовци победиле дури во 20. Силекс само еднаш успеал да одигра реми и само еднаш, и тоа на 06.12.2015 година, ја победил Шкендија и тоа во Кратово. Последниот меч, се играше на 17 март во Тетово, Шкендија го доби со 2-0.
Инаку кога сме кај вкупните бројки, Шкендија и Силекс досега одиграле 38 средби, кратовци се радувале на седум, шест пати било нерешено а Шкендија победила во 25. Гол разликата е 76:38 за тетовци.