Во вториот контролен меч фудбалерите на Силекс минимално го поразија новиот второлигаш Саса со 1-0. Во меч во кој настапија речиси различни постави во првиот и вотриот дел, кратовци беа далеку подобар противник и со голот-првенец на новото засилување Дејан Благојевиќ стигнаа до триумф. Токму Благојевиќ беше еден од ретките што одигра 90 минути и со сигурност ќе биде големо засилување за тимот на Силекс. Во него кратовци би можеле да добијат убоит изведувач на слободните удари, особено по неговиот проектил од 25 метри, откосо, кога ја искина мрежата на гостинскиот гол.
Одлична игра прикажа и младиот Ненад Нешовски, кој беше константна опасност по голот на гостите и неколку пати успеа да направи дар-мар по десната крилна страна. Солиден настап имаше и бразилецот Антонио Оливеира - Тони, кој ги одигра првите 45 минути, а одлично се снајде на средината од теренот, како поддршка на шпицот.