Фудбалерите на Силекс имаат одличен страт на пролетната полусезона, сите три домашни меча ги добија на убедлив начин, на гости одиграа нерешено со Пелистер и Брегалница, а доживеаја само еден пораз од Работнички. Она што боде во очи е дека кратовци играат далеку послабо на гостински терен, од каде ќе кора да се носат бодови, ако се сака излез во Европа.
-Свесни сме дека ни требаат и гостински бодови, и тоа изразени преку три бода. Немаме победа на страна оваа пролет, а бодовите ни се многу потребни во битката за Европа. Мора да пружиме максимум на Чаир и попладнево да го совладаме Шкупи, имајќи предвид дека потоа следуваат два дуела против најсилните тимови во лигата, против Вардар и Шкендија во Кратово - вели повремениот младински репрезентативец Кристијан Филиповски.