Според  интернет сајтот transfermarkt.de, специјализиран за проценка на вредноста на фудбалерите, во мигов фудбалскиот клуб СИЛЕКС тежи 2.875.000 €. Најмногу на фудбалскиот пазар вреди 24-годишниот играч за врска Александар Темелков, 250 000 евра.Веднаш зад него котираат напаѓачите Стојанче Насевски и Ангел Нацев чија вредност е по 225 илјади евра. Голманот Даниел Божиновски се проценува на 175.000 евра, колку што вреди и капитенот Никола Мишовски како и везниот играч Мирослав Атлески. За да ги ангажира некој клуб  Петров Мартин, Саша Васов, Даниел Лампевски, Борјан Стојановски, Ѓорѓи Марков и Ѓорѓи Заревски ќе мора да плати по 150.000 евра. Бајиќ, Костадиновски и Јовановски  се вреднувани по 125.000 евра. По 100.000 евра вредат Слаѓан Митевски и Аце Стојановски, Христијан Митковски и Ромео Кочовски по 50 000 итн.

Силекс беше одлична одскочна даска за Игор Митревски кој се пресели во Спартак Москва и играше во Лигата на шампионите. По него Стојанче Игнатов замина во турскиот Самсунспор,  Ивица Глигоровски во Етникос Ахнас на Кипар.А еден од најзначајните играчи кои се промовираа во Силекс секако е Стевица Ристиќ кој замина во корејскиот Јеонбук. Трансфери направија и Благоја Тодоровски во Динамо Букурешт, Глигор Глигоров-Бањик Острава, Сашо Ѓоревски -Збројовка Брно, Игор Арсовски-Спрингвејл Австралија...Во Силекс се афирмираа и Влатко Гошев, Даниел Ивановски и други.