Можеби не е тим од рангот на Шахтјор Доњецк или Фенербахче, но сепак, белгиски Гент не е ни малку лесен противник на Шкендија, имајќи предвид дека играчите на овој тим вредат неверојатни 58 милиони евра. За споредба, Трансфермаркет екипата на Шкендија ја вреднува само 7 милиони евра, или осум-девет пати помалку од белгијците. Колкава е вредноста на Гент, говори податокот дека во составот имаат дури петмина играчи со проценета вредност од над 4 милиони евра. Великанот од Белгија, кој некако е во сенка на големиот Андерлехт, лани ја мина групната фаза од Лигата на шампиони, оставајќи ги зад себе Валенсија и Лион, а беше елиминиран во осминафиналето од Волфсбург. Главни ѕвезди во тимот се Свен Кумс и Лоран Депоитре, чија поединечна вредност на Трансфермаркет е поголема од вкупната вредност на тимот на Шкендија. Во споредба со нивната вредност од 6-7 милиони евра, вредноста на Ферхан Хасани од 750.000 евра изгледа, во најмала рака, смешно. Но, во фудбалот не играат парите, туку срцето, а тоа летово на најдобар можен начин го покажа Шкендија, па да се надеваме на уште едно големо изненадување на тимот предводен од Бруно Акраповиќ.     Оливер Арсовски